Khmer	Pronunciation	English/Notes	#occ
គ្រឿង	krɨəŋ	1. tool, instrument 2. ingredient, spice, seasoning 3. clf. for machines, vehicles etc.	38/17

Link to overview page
Link to dictionary

Requesting and granting permission 2 — Dialogue 2

នៅហាងលក់គ្រឿងអគ្គិសនី
ស្រីរ័ត្ន៖ បង ខ្ញុំអាចសាកប្រើទូរទស្សន៍នេះតិចបានអេ៎? ជួយប្រាប់ពីរបៀបប្រើផង។
អ្នកលក់៖ បាទ សាកប្រើចុះអូន។ ចាំខ្ញុំពន្យល់ពីរបៀបប្រើ។

Saying “I want X” — Additional dialogue

នៅតូបលក់បបរ
ភ្ញៀវ៖ ទៅណាហើយអ្នកលក់?
អ្នកលក់៖ នៅនេះ។ ហូបអីដែរ?
ភ្ញៀវ៖ យកបបរគ្រឿងសាច់ជ្រូកម៉ាចាន។ កុំដាក់ជីរច្រើនពេក។
ភ្ញៀវ៖ អត់មានចាខ្វៃអេ៎អ៎? / អស់ចាខ្វៃអា៎?
អ្នកលក់៖ អស់ហើយ។

Talking about the taste of food 2 — Additional dialogue

សុភា៖ គុយទាវគេអីក៏សាបម៉េះ?
ធីតា៖ គេចង់ឲ្យយើងថែមគ្រឿងខ្លួនឯងហើយមើលទៅ។ ណេះ! គ្រឿង។ ថែមអីខ្លះអត់?
សុភា៖ ថែមអំបិល ថែមស្ករតិចសិន។ ម្ហូបរបស់ធីតាឯង អត់អីអេអ៎?
ធីតា៖ បាយឆាខ្ញុំមែន? មិនបាច់និយាយទេ ដូចញ៉ាំអង្ករអីចឹង។ រឹងកំព្រឹស។
សុភា៖ ហាងហ្នឹង ម៉ោតែម្ដងឈប់ម៉ោម៉ង។
ធីតា៖ មែនហ្នឹង។

Explaining how something works — Additional dialogue

ម៉ាក់៖ ម៉ោកូន ម៉ាក់បង្រៀនឆាលត។ ... បើកហ្គាសនៅ? ទុកឲ្យខ្ទះក្ដៅតិចសិនក៏បាន ហើយចាំដាក់ប្រេង។
កូន៖ ប្រេងប៉ុណ្ណឹងបានអេ៎ម៉ាក់?
ម៉ាក់៖ ច្រើនជាងហ្នឹងតិច តិចបានហើយ។ ... ហ្នឹងហើយ។ ចាំឲ្យប្រេងក្ដៅតិចសិន ចាំដាក់លតចូល។ ហើយត្រលប់វាចុះឡើងឲ្យសព្វ។ ... ហ្នឹងហើយ ធ្វើអីចឹង។ ... ដៃម្ខាងទៀតទប់ខ្ទះឲ្យនឹង កុំឲ្យវាប៉ាក់ប៉ើក។ ហើយដៃស្ដាំកាន់វែកឲ្យចូលក្នុងតិច កុំកាន់នៅចុងពេក តែអីចឹងវាឆាប់ចុកដៃ ។
កូន៖ ឆាប៉ុណ្ណឹងបាននៅ ម៉ាក់?
ម៉ាក់៖ ហ្នឹងហើយ។ ហើយដាក់គ្រឿងទៅ។ ស្ករ ទឹកស៊ីអ៊ីវ អីហ្នឹង។
កូន៖ ម៉េចអត់ឡើងក្រហមដូចគេអីចឹងម៉ាក់?
ម៉ាក់៖ ម៉ោពីមិនទាន់ដាក់ប្រេងខ្យងហ្នឹងអា៎។ ណេះ ដាក់ស្រោចពីលើហ្នឹងតិចទៅ ហើយត្រលប់វាចុះឡើង ម៉ាសន្ទុះទៅ វាឡើងក្រហមហើយ។ ... ឃើញអត់?
កូន៖ ចា៎ស។

Noodle Soup (Sakanan) — 14

បន្ទាប់មកទៀតរូបភាពទី ១៤ នៅក្នុងរូបភាពទី ១៤ យើងឃើញថា បន្ទាប់ពីគាត់បានទទួលចានមីទាំងអស់ហើយ ក្មេងប្រុសទី ១ ក្មេងប្រុសទី ១ ដែលបានកុម្ម៉ង់មីមានទឹកស៊ុបហ្នឹង គាត់ក៏បានបន្ថែមគ្រឿងចូលទៅក្នុងចានមីរបស់គាត់ ដែលនៅក្នុងរូបភាពទី ១ នេះ យើងឃើញគាត់បានបន្ថែមដូចជាម្ទេស អញ្ចឹងដោយសារតែគាត់ចូលចិត្តរសជាតិហឹរ។ អញ្ចឹងរូបភាពទី ១៤ នេះ គឺនៅខាងឆ្វេងដៃ រូបភាពខាងឆ្វេងដៃគឺគាត់កំពុងតែថែមម្ទេស ចូលទៅក្នុងចានមីរបស់គាត់ ដោយយើងឃើញគាត់ដាក់ម្ទេសមួយស្លាបព្រាតូច ឬក៏មួយកូនស្លាបព្រាដើម្បីញ៉ាំ។ បន្ទាប់មកទៀត រូបភាពទី ១៤ ដែលនៅខាងស្ដាំដៃ គឺគាត់ក៏បន្ថែមទឹកខ្មេះចូលផងដែរ។ អញ្ចឹងទឹកខ្មេះគឺមានរសជាតិជូរ ដូច្នេះប្រសិនបើគាត់ដាក់ទឹកខ្មេះ និងដាក់ម្ទេស បានន័យថាគាត់ចូលចិត្តរសជាតិជូរនិងហឹរ។ អញ្ចឹងទឹកខ្មេះ គឺជូរដូចក្រូចឆ្មារដែរ ពេលខ្លះយើងប្រើក្រូចឆ្មារ ក៏ប៉ុន្តែពេលខ្លះយើងប្រើទឹកខ្មេះដើម្បីលាយផ្សំគ្រឿង ដែលជាក់ស្ដែងនៅក្នុងរូបភាពនេះ គេអត់ប្រើក្រូចឆ្មារទេ គឺគេប្រើទឹកខ្មេះជំនួសក្រូចឆ្មារវិញ ក៏ប៉ុន្តែវាមានរសជាតិជូរដូចគ្នា ដោយម្ទេសមានរសជាតិហឹរ និងទឹកខ្មេះមានរសជាតិជូរ។

Motorcycle Taxi (Sakanan) — 03

បន្ទាប់មកទៀតរូបភាពទី ៣ នៅក្នុងរូបភាពទី ៣ បន្ទាប់ពីនារីម្នាក់នោះ គាត់រត់បានមួយសន្ទុះក្រោយមក គាត់ក៏មកដល់រោងមួយ អញ្ចឹងគាត់ឈរនៅខាងមុខរោងមួយ ដោយគាត់ ដៃខាងស្ដាំរបស់គាត់ គាត់ស្ពាយកាបូប ហើយដៃខាងស្ដាំរបស់គាត់ គឺទប់កាបូបគាត់យ៉ាងជាប់ ដោយគាត់កំពុងតែឈរទៅក្នុងសម្លឹងរោងមួយ ដែលនៅក្នុងរោងនោះ យើងឃើញមានដំបូល ប៉ុន្តែអត់មានជញ្ជាំងនោះទេ អញ្ចឹងរោងនោះគឺជារោងម៉ូតូឌុប ដោយយើងឃើញមានម៉ូតូចំនួនពីរគ្រឿងនៅខាងក្រោមរោងនោះ ហើយមានបុរសម្នាក់ ដែលជាម្ចាស់ម៉ូតូ កំពុងតែឈរផ្អែកម៉ូតូរបស់គាត់ អញ្ចឹងបុរសម្នាក់នោះគាត់ពាក់អាវដៃខ្លី ខោជើងវែងពណ៌ស ហើយគាត់ ម៉ូតូរបស់គាត់គឺមានពណ៌ទឹកក្រូច។ អញ្ចឹងម៉ូតូរបស់គាត់គឺមានកង់ពីរ ហើយមានមួកការពារនៅលើនោះផងដែរ អញ្ចឹងគាត់គឺជាអ្នករត់ម៉ូតូឌុប ដោយនារីម្នាក់នោះគាត់មានអាការៈប្រញាប់ ដោយសារតែស្ទះផ្លូវ ជិះឡានអត់កើត អញ្ចឹងគាត់រត់ នៅពេលដែលគាត់រត់បានមួយភ្លែតមក គឺគាត់បានមកដល់កន្លែងម៉ូតូឌុបមួយដែលមានរោង មានដំបូលពណ៌ផ្កាឈូក ហើយមានបុរសម្នាក់ គាត់កំពុងតែឈរផ្អែកម៉ូតូដើម្បីរង់ចាំម៉ូយ ឬក៏រង់ចាំអតិថិជនរបស់គាត់។ អញ្ចឹងនារីម្នាក់នោះ គាត់ក៏បានឈប់នៅត្រង់រោងនោះ ហើយសម្លឹងទៅមើលម៉ូតូឌុប ដែលមានបុរសម្នាក់នោះកំពុងតែឈរផងដែរ។

Noodle Soup (Sakanan) — 16

បន្ទាប់មកទៀតរូបភាពទី ១៦ នៅក្នុងរូបភាពទី ១៦ បន្ទាប់ពីក្មេងប្រុសទាំងពីរនាក់បានលាយគ្រឿងមីរបស់គេរួចរាល់ហើយ អញ្ចឹងគេលាយគ្រឿងមីរបស់គេរួចរាល់ អញ្ចឹងបានន័យថា ត្រូវនឹងរសជាតិអ្វីដែលគេចង់បានហើយ ពួកគេក៏ចាប់ផ្ដើមញ៉ាំមីទាំងនោះ ដោយក្មេងប្រុសទី ១ គាត់ញ៉ាំមីមានទឹកស៊ុប ចំណែកក្មេងប្រុសទី ២ គាត់ញ៉ាំមីអត់ទឹកស៊ុប ឬក៏មីគោក ហើយយើងឃើញពួកគេទាំងពីរនាក់ គឺប្រើចង្កឹះម្នាក់មួយគូ ដើម្បីចាប់សរសៃមីឡើងញ៉ាំ។ អញ្ចឹងដោយសារតែសរសៃមីវែង ដោយសារតែសរសៃមីវែង ដូច្នេះយើងឃើញគេប្រើចង្កឹះ ហើយមី សរសៃមីនៅក្នុងមាត់ ហើយចុងម្ខាងនៃសរសៃមីគឺនៅក្នុងចាន។ អញ្ចឹងគឺវាពេលខ្លះ ប្រសិនបើយើងអត់ចេះញ៉ាំ គឺពិបាកញ៉ាំណាស់ ដោយសារតែវាវែងពេក អញ្ចឹងពេលខ្លះគេត្រូវប្រើចង្កឹះ ដើម្បីកាត់ផ្ដាច់សរសៃមីឲ្យខ្លី ហើយពេលខ្លះទៀតយើងប្រើធ្មេញ ដើម្បីខាំផ្ដាច់សរសៃមី។ អញ្ចឹងនៅពេលដែលយើងដាក់សរសៃមីចូលក្នុងមាត់បានខ្លះហើយ យើងប្រើធ្មេញរបស់យើង ដើម្បីខាំសរសៃមីទម្លាក់ចូលក្នុងចានវិញ។ អញ្ចឹងសរសៃមីណាដែលនៅក្រៅមាត់ គឺវាធ្លាក់ចូលទៅក្នុងចាន ចំណែកឯសរសៃមីដែលនៅក្នុងមាត់ គឺយើងទំពាញ៉ាំតែម្ដង។ ដែលជាក់ស្ដែងនៅក្នុងរូបភាពនេះ ក្មេងប្រុសទាំងពីរនាក់ គាត់បានបៀមសរសៃមីនៅក្នុងមាត់របស់គាត់ ហើយប្រើចង្កឹះដើម្បីកាត់សរសៃមីនោះឲ្យខ្លី ដើម្បីងាយស្រួលញ៉ាំ ព្រោះប្រសិនបើយើងអត់កាត់ឲ្យខ្លីទេ យើងអាចស្លាក់បាន អញ្ចឹងនៅពេលដែលមីវែងពេក នៅពេលដែលយើងលេបទៅវាអត់ផុតមាត់ ឬក៏អត់ផុតបំពង់ក ដូច្នេះវាអាចធ្វើឲ្យយើងស្លាក់បាន អញ្ចឹងយើងត្រូវកាត់វាឲ្យខ្លីៗសិន ដើម្បីងាយស្រួលញ៉ាំ។

Noodle Soup (Sakanan) — 06

បន្ទាប់មកទៀតរូបភាពទី ៦ រូបភាពទី ៦ បន្ទាប់ពីពួកគេបានដើរមកដល់តុដើម្បីអង្គុយហើយ ពួកគេក៏បានចូលអង្គុយនៅលើកៅអី។ អញ្ចឹងពួកគេអង្គុយទល់មុខគ្នា ដោយពួកគេអង្គុយទល់មុខគ្នា ដោយក្មេងប្រុសដែលមានសក់បះ ឬក៏ក្មេងប្រុសទី ២ គាត់អង្គុយខាងឆ្វេង ចំណែកឯក្មេងប្រុសទី ១ ដែលស្លៀកខោពណ៌ខ្មៅ គាត់អង្គុយខាងស្ដាំ។ ដោយពួកគេទាំងពីរអ្នកគឺអង្គុយទល់មុខគ្នា ហើយមានកូនតុតូចមួយនៅចំកណ្ដាល។ អញ្ចឹងកូនតុតូចនោះ គឺសម្រាប់ដាក់ចានគុយទាវ ឬក៏ចានមីដើម្បីញ៉ាំ ហើយនៅលើកូនតុនោះគឺយើងឃើញមានគ្រឿងទេសជាច្រើន។ អញ្ចឹងគ្រឿងទេសហ្នឹង គឺជាគ្រឿងសម្រាប់ផ្សំរសជាតិ នៅក្នុងការញ៉ាំមីឬក៏ញ៉ាំគុយទាវ អញ្ចឹងពេលណាដែលយើងញ៉ាំ គឺយើងប្រើគ្រឿងទេសដើម្បីផ្សំរសជាតិវាឲ្យបានឆ្ងាញ់បន្ថែមទៀត ដោយសារតែពេលខ្លះទឹកស៊ុបអត់ត្រូវចិត្តរបស់យើងទេ ដូច្នេះយើងត្រូវថែមគ្រឿង ដើម្បីឲ្យចំរសជាតិដែលយើងចូលចិត្ត។ អញ្ចឹងរូបភាពទី ៦ បន្ទាប់ពីក្មេងប្រុសទាំងពីរអ្នក គាត់មកដល់អង្គុយលើតុហើយ គាត់អង្គុយលើកៅអីនៅក្បែរតុនោះហើយ ក្មេងប្រុសទី ១ ក៏បានលើកដៃឡើង អញ្ចឹងគាត់លើកដៃស្ដាំគាត់ឡើង ដែលនៅក្នុងរូបភាពនេះ យើងឃើញថាគាត់លើកដៃឡើងដើម្បីជាសញ្ញាហៅអ្នកលក់។ អញ្ចឹងជាទូទៅពេលខ្លះ ប្រសិនបើយើងទៅក្នុងហាង យើងហៅអ្នកលក់អត់ឮទេ ក៏ប៉ុន្តែពេលខ្លះយើង[...] យើងគ្រាន់តែលើកដៃជាសញ្ញា នោះអ្នកលក់មើលឃើញ នៅពេលដែលអ្នកលក់មើលឃើញ អ្នកលក់នឹងមករកយើងជាក់ជាពុំខាន។ ដោយជាក់ស្ដែងក្មេងប្រុស[អ្នក]ម្នាក់នេះ គាត់បានលើកដៃឡើង ដើម្បីហៅអ្នកលក់ ក្នុងការធ្វើកុម្ម៉ង់ ក្នុងការកុម្ម៉ង់ ដើម្បីញ៉ាំគុយទាវ ឬក៏ញ៉ាំមី។ អញ្ចឹងនៅក្នុងរូបភាពទី ៦ ក្រោយពីពួកគេបានចូលអង្គុយលើតុហើយ ពួកគេក៏បានហៅអ្នកលក់ដើម្បីកុម្ម៉ង់អាហារញ៉ាំ។

Alms Round (Sakanan) — 02

បន្ទាប់មកទៀតរូបភាពទី ២ នៅក្នុងរូបភាពទី ២ យើងឃើញបន្ទាប់ពីគាត់ក្រោកពីគេងហើយ បន្ទាប់ពីស្ត្រីចំណាស់ម្នាក់នោះគាត់ក្រោកពីគេងហើយ យើងឃើញគាត់មកនៅក្នុង មកនៅក្នុងផ្ទះបាយ អញ្ចឹងគាត់មកផ្ទះបាយរបស់គាត់ដើម្បីចម្អិនម្ហូបឬក៏ដាំបាយ ដែលយើងឃើញនៅក្នុងរូបភាពនេះ គាត់កំពុងតែធ្វើស៊ុប ឬក៏ធ្វើសម្ល ដែលយើងឃើញនៅខាងមុខស្ត្រីចំណាស់ម្នាក់នោះគឺមានឆ្នាំងចំនួន ២ ដែលកំពុងតែនៅលើចង្ក្រាន។ អញ្ចឹងគាត់កំពុងតែធ្វើសម្ល ក៏ដូចជាដាំបាយ ដែលយើងឃើញគាត់កំពុងតែកាន់វែក អញ្ចឹងដៃខាងឆ្វេងរបស់គាត់កំពុងតែកាន់វែកសម្ល ហើយកូរទៅក្នុងឆ្នាំងសម្ល ដែលយើងឃើញគាត់កំពុងតែធ្វើសម្ល មានដូចជាប្រហែលជាសម្លការី ឬក៏សម្លអ្វីផ្សេងដែលមានពណ៌ក្រហម។ អញ្ចឹងជាទូទៅសម្លការីគឺមានពណ៌ក្រហម អញ្ចឹងប្រហែលជាគាត់ធ្វើសម្លការី ឬក៏ធ្វើសម្លអ្វីផ្សេងដើម្បីដាក់បាត្រលោក ឬក៏ដើម្បីជាអាហារពេលព្រឹក ដែលយើងឃើញឆ្នាំងមួយទៀតគឺកំពុងតែបិទគ្រប មានគ្រប អញ្ចឹងអាចគាត់កំពុងតែដាំបាយមួយឆ្នាំង ហើយនិងស្លសម្លមួយឆ្នាំង ដែលយើងឃើញមានផ្សែងកំពុងតែហុយចេញពីឆ្នាំងទាំងពីរនោះ បានន័យថាឆ្នាំងទាំងពីរគឺកំពុងតែក្ដៅ គឺគាត់កំពុងតែស្ល និងដាំបាយហើយក្ដៅ គឺឆ្នាំងទាំងពីរគឺនៅលើចង្ក្រាន អញ្ចឹងយើងអត់អាចប៉ះផ្ទាល់ទៅឆ្នាំងបានទេ ព្រោះថាប្រសិនបើយើងប៉ះផ្ទាល់វាអាចធ្វើឲ្យយើងរលាកបាន អញ្ចឹងយើងត្រូវប្រើវែក ឬក៏ប្រើក្រណាត់ដើម្បីចាប់ឆ្នាំងនោះ ហើយដើម្បីកូរសម្លឲ្យបានសព្វគ្រឿង ដើម្បីលាយគ្រឿងផ្សំឲ្យបានសព្វ គឺយើងត្រូវប្រើវែកដើម្បីកូរ គឺយើងអត់ប្រើដៃយើងទេ ព្រោះវាអាចធ្វើឲ្យយើងរលាក។ អញ្ចឹងរូបភាពទី ២ នេះគឺស្ត្រីចំណាស់ម្នាក់នោះ គាត់បានមកផ្ទះបាយរបស់គាត់ដើម្បីដាំស្ល បានន័យថាធ្វើម្ហូប និងដាំបាយ ហើយគាត់កំពុងតែកូរសម្លរបស់គាត់នៅពេលដែលគាត់កំពុងតែចម្អិន។

Rainy Season (Sakanan) — 05

បន្ទាប់មកទៀតរូបភាពទី ៥ រូបភាពទី ៥ យើងឃើញមានរថយន្តមួយគ្រឿង ឬក៏ឡានមួយគ្រឿង កំពុងតែបើកបរនៅក្នុងទឹក។ អញ្ចឹងនៅពេលដែលមេឃភ្លៀង យើងឃើញរថយន្តមួយនោះ គាត់កំពុងតែបើកបរនៅក្នុងទឹកនៅក្រោមមេឃភ្លៀង ដោយយើងឃើញរថយន្តមួយគ្រឿងនោះ គឺគាត់បើកភ្លើងផងដែរ។ អញ្ចឹងឡាន ឬក៏រថយន្ត គឺមានកង់ចំនួន ៤ ប៉ុន្តែនៅក្នុងរូបភាពនេះ ដោយសារតែយើងមើលពីចំហៀង យើងមើលពីចំហៀង គឺឃើញកង់តែពីរតែប៉ុណ្ណោះ ដោយសារតែវាបាំង។ អញ្ចឹងឡានជាទូទៅ គឺមានទ្វារ និងមានកញ្ចក់ ហើយមានកញ្ចក់សម្រាប់មើលក្រោយផងដែរ ដែលនៅក្នុងរូបភាពនេះ យើងឃើញ យើងឃើញមានកញ្ចក់មើលក្រោយ ហើយឡានកំពុងតែបើកភ្លើង អញ្ចឹងជាទូទៅនៅពេលដែលយើងបើកបរនៅក្នុងមេឃភ្លៀង ឬក៏នៅក្រោមមេឃភ្លៀង ឬក៏នៅក្រោមមេឃងងឹត ឬក៏នៅពេលដែលមានដីហុយ គឺយើងតែងតែបើកភ្លើងជានិច្ច ព្រោះវាអាចធ្វើឲ្យយើងមើលផ្លូវឃើញច្បាស់ ប្រសិនបើយើងអត់បើកភ្លើងទេ គឺយើងអត់អាចមើលផ្លូវឃើញនោះទេ។ ហើយនៅខាងក្រោយ ភ្លើងខាងក្រោយគឺពណ៌ក្រហម អញ្ចឹងភ្លើងខាងក្រោយ គឺអាចធ្វើឲ្យអ្នកដែលនៅខាងក្រោយយើងមើលឃើញយើងបាន ដោយសារតែវាមានពណ៌ក្រហម ដូច្នេះគេអាចមើលមក គេឃើញភ្លើងក្រហម អញ្ចឹងគេដឹងថាមានឡាននៅខាងមុខ។ ហើយនៅពេលដែលយើងបើកឡាននៅក្រោមភ្លៀង គឺតែងតែទឹកសើមកញ្ចក់ អញ្ចឹងយើងពិបាកនៅក្នុងការមើលផ្លូវ អញ្ចឹងយើងត្រូវបើកផ្លិតទឹក ដើម្បីជូតទឹកចេញអំពីកញ្ចក់។ ដែលជាក់ស្ដែងនៅក្នុងរូបភាពទី ៥ នេះ យើងឃើញឡាននោះ គឺកំពុងតែបើកផ្លិតទឹក ដើម្បីជូតកញ្ចក់មុខ ដើម្បីឲ្យស្អាត កុំឲ្យមានទឹក ដើម្បីងាយស្រួលក្នុងការមើលផ្លូវ។ ក៏ប៉ុន្តែដោយសារតែឡានបើកនៅក្រោមភ្លៀង ដូច្នេះវាពិបាកក្នុងការបើកបរ ដោយសារតែទឹកលិចផ្លូវ ដូច្នេះឡានអាចបើកទៅយឺតៗតែប៉ុណ្ណោះ ព្រោះពេលខ្លះអាចធ្វើឲ្យផ្លូវរអិល មេឃភ្លៀងអាចធ្វើឲ្យផ្លូវរអិល អញ្ចឹងប្រសិនបើយើងបើកលឿន អាចនឹងមានគ្រោះថ្នាក់បាន។ ដូច្នេះយើងត្រូវតែបើកយឺតៗតែប៉ុណ្ណោះ។

Fried Rice (Sakanan) — 13

បន្ទាប់មកទៀតរូបភាពទី ១៣ រូបភាពទី ១៣ យើងឃើញថា បន្ទាប់ពីគាត់ទទួលបានបាយឆាហើយ នារីម្នាក់នោះ គាត់ក៏បានយកសមនិងស្លាបព្រាមកញ៉ាំបាយ បានន័យថានៅពេលដែលយើងញ៉ាំបាយ គឺយើងប្រើប្រាស់សមនិងស្លាបព្រាវែង ដោយនៅពេលដែលយើងញ៉ាំ បាយឆានោះ ពេលខ្លះគឺអាចនឹងអត់ត្រូវនឹងរសជាតិរបស់យើងដែលពេញចិត្តនោះទេ ដូច្នេះនៅពេលដែលយើងអត់ពេញចិត្តនឹងរសជាតិ យើងអាចថែមគ្រឿងបាន ដោយយើងឃើញនៅក្នុងរូបភាពទី ១៣ នេះ គឺយើងឃើញនារីម្នាក់នោះ គាត់កំពុងតែកាន់សមនិងស្លាបព្រាដើម្បីដួសបាយញ៉ាំ ហើយយើងឃើញនៅលើតុ គឺមានគ្រឿងទេសជាច្រើន ដែលគ្រឿងទេសនេះ គឺជាគ្រឿងសម្រាប់ផ្សំជាមួយនឹងបាយ នៅពេលណាដែលយើងអត់ចូលចិត្តរសជាតិ បានន័យថាពេលខ្លះអ្នកលក់គាត់ឆាមកសាប អញ្ចឹងយើងអត់ចូលចិត្តរសជាតិសាប យើងអាចថែមអំបិល ឬក៏ថែមទឹកត្រី ឬក៏ថែមស្ករសថែមទៀត ដើម្បីឲ្យសមទៅតាមរសជាតិដែលយើងចូលចិត្ត អញ្ចឹងនៅពេលដែលយើងផ្សំគ្រឿង ដើម្បីទៅដល់រសជាតិដែលយើងចូលចិត្តហើយ យើងអាចញ៉ាំបាយឆានោះបាន ដោយយើងឃើញនារីម្នាក់នោះ គាត់កំពុងតែកាន់សម ដៃឆ្វេងរបស់គាត់កាន់សម ហើយដៃស្ដាំរបស់គាត់កាន់ស្លាបព្រា អញ្ចឹងគាត់កំពុងតែដួសបាយឆាញ៉ាំ ដោយគាត់ញ៉ាំបាយឆានោះយ៉ាងឆ្ងាញ់ ទោះបីជាបាយឆានោះ ជាហាងលក់បាយឆា ដែលនៅតាមចិញ្ចើមផ្លូវក៏ដោយ ក៏ប៉ុន្តែអ្នកលក់គាត់ធ្វើឆ្ងាញ់ ដូច្នេះអតិថិជនរបស់គាត់ចូលចិត្តមកញ៉ាំនៅទីនេះ ព្រោះវាមានរសជាតិឆ្ងាញ់ ហើយមានតម្លៃថោក អញ្ចឹងជាទូទៅប្រជាជនកម្ពុជាគឺចូលចិត្តញ៉ាំបាយឆាឬក៏មីឆា ដែលនៅតាមចិញ្ចើមផ្លូវ ព្រោះមីឆានិងបាយឆាដែលនៅតាមចិញ្ចើមផ្លូវ គឺពេលខ្លះគឺឆ្ងាញ់ ហើយរសជាតិឆ្ងាញ់និងថោកជាងបាយឆាឬមីឆាដែលនៅតាមហាងធំៗនានា ក៏ប៉ុន្តែរសជាតិឆ្ងាញ់ដូចគ្នា ក៏ប៉ុន្តែគឺតម្លៃខុសគ្នា ដោយតម្លៃនៅហាងធំៗគឺថ្លៃ ក៏ប៉ុន្តែតម្លៃនៅហាងដែលនៅតាមចិញ្ចើមផ្លូវ គឺថោកជាងតម្លៃដែលនៅតាមហាង ដូច្នេះយើងចូលចិត្តញ៉ាំបាយឆាឬក៏មីឆានៅតាមចិញ្ចើមផ្លូវ។

Noodle Soup (Sakanan) — 15

បន្ទាប់មកទៀតរូបភាពទី ១៥ នៅក្នុងរូបភាពទី ១៥ យើងឃើញមាន ៣ រូបភាពផងដែរ ដែលរូបភាពនៅខាងឆ្វេងដៃ គឺក្មេងប្រុសដដែលនោះ គាត់ក៏បានចាក់ទឹកត្រីចូលទៅក្នុងចានមីរបស់គាត់ទៀត។ អញ្ចឹងដោយសារតែមី ឬក៏ទឹកស៊ុប ឬក៏គុយទាវទឹកស៊ុបដែលគាត់បានកុម្ម៉ង់ហ្នឹង គឺរសជាតិអត់ទាន់ត្រូវចិត្តគាត់ទេ ព្រោះពេលខ្លះអ្នកលក់គាត់អត់ធ្វើឲ្យមានរសជាតិប្រៃពេក ឬក៏ផ្អែមពេកនោះទេ គឺគាត់ធ្វើតម្រូវឲ្យអតិថិជន ដើម្បីឲ្យគាត់ថែមគ្រឿងខ្លួនឯង។ ព្រោះថាពេលខ្លះប្រសិនបើគាត់ធ្វើប្រៃពេក អតិថិជនរបស់គាត់ញ៉ាំសាប គឺញ៉ាំអត់កើតទេ បានន័យថាអត់ឆ្ងាញ់ អញ្ចឹងគាត់ត្រូវតែធ្វើសាបល្មម ដើម្បីនៅពេលដែលអតិថិជនគិតថាមិនត្រូវចិត្ត គេអាចថែមគ្រឿងបាន ដោយគ្រឿង អ្នកលក់បានដាក់នៅលើតុស្រាប់ ដែលជាក់ស្ដែងក្មេងប្រុសម្នាក់នេះ គាត់បានថែមគ្រឿងជាច្រើនចូលទៅក្នុងចានរបស់គាត់ ដើម្បីឲ្យត្រូវតាមរសជាតិដែលគាត់ចង់បាន។ ដោយរូបភាពទី ១៥ នេះ គាត់ក៏បានថែមទឹកត្រីចូលបន្តិច ដើម្បីឲ្យមានរសជាតិប្រៃ បន្ទាប់មករូបភាពនៅកណ្ដាល គាត់បានថែមស្ករសមួយកូនស្លាបព្រាទៀត អញ្ចឹងដើម្បីឲ្យមានរសជាតិកាន់តែឆ្ងាញ់ គាត់ថែមស្ករសបន្ថែមទៀត។ ដោយគាត់បានបន្ថែមនូវម្ទេស គាត់បានបន្ថែមនូវទឹកខ្មេះ ហើយគាត់បានចាក់នូវទឹកត្រីបន្តិច និងស្ករសបន្តិចដើម្បីចូលទៅក្នុងចានគុយទាវរបស់គាត់ ដើម្បីឲ្យមានរសជាតិកាន់តែឆ្ងាញ់តាមអ្វីដែលគាត់ចង់បាន។ បន្ទាប់មករូបភាពទី ១៥ ដដែល ដែលនៅខាងឆ្វេង នៅខាងស្ដាំដៃ គឺបន្ទាប់ពីគាត់លាយគ្រឿងទាំងអស់ចូលគ្នារួចហើយ គាត់ក៏បានយកចង្កឹះមកកូរច្របល់វា ដើម្បីឲ្យរសជាតិចូលគ្នាទៅក្នុងមីនោះសព្វ។ អញ្ចឹងប្រសិនបើយើងអត់កូរ ឬក៏ច្របល់មីទឹកស៊ុបនោះទេ រសជាតិរបស់វានឹងអត់ចូលជាតិសព្វនោះទេ បានន័យថាកន្លែងខ្លះនឹងជូរ កន្លែងខ្លះនឹងប្រៃ ហើយកន្លែងខ្លះនឹងផ្អែម ហើយកន្លែងខ្លះហឹរ គឺអត់ស្មើសាច់ទេ អញ្ចឹងដើម្បីឲ្យវាមានរសជាតិស្មើគ្នាគ្រប់កន្លែង យើងត្រូវកូរវាឲ្យសព្វសិន ដើម្បីឲ្យគ្រឿងរលាយចូលទៅក្នុងទឹកស៊ុប និងចូលជ្រាបសព្វទៅក្នុងសាច់មី ដូច្នេះហើយទើបយើងត្រូវកូរវាឲ្យបានសព្វ ដែលជាក់ស្ដែងនៅក្នុងរូបភាពទី ១៥ ដែលនៅខាងស្ដាំដៃនេះ គឺគេកំពុងតែកូរមី ឬក៏កូរគុយទាវឲ្យជាមួយនឹងទឹកស៊ុបឲ្យបានសព្វ ដើម្បីឲ្យគ្រឿងរលាយចូលសព្វទាំងអស់មុននឹងធ្វើការញ៉ាំ។

Rainy Season (Sakanan) — 06

បន្ទាប់មកទៀតរូបភាពទី ៦ នៅក្នុងរូបភាពទី ៦ យើងឃើញម៉ូតូកំពុងតែជិះនៅក្នុងទឹកផងដែរ អញ្ចឹងម៉ូតូមួយគ្រឿងកំពុងតែបើកបរ ឬក៏ជិះនៅក្នុងទឹក ដោយយើងឃើញបុរសម្នាក់ គាត់ពាក់អាវពណ៌បៃតងដៃខ្លី ស្លៀកខោជើងវែងពណ៌ស គាត់កំពុងតែជិះម៉ូតូពណ៌សមួយនៅក្រោមភ្លៀង។ ដោយសារតែគាត់អត់បានត្រៀមខ្លួនមុន ដូច្នេះគាត់អត់មានអាវភ្លៀងនោះទេ អញ្ចឹងគាត់អត់មានអាវភ្លៀងនោះទេ គាត់ជិះម៉ូតូ ដែលនៅក្នុងទឹក ដោយជិះកាត់ក្រោមភ្លៀង ដោយយើងឃើញគាត់ពាក់មួកសុវត្ថិភាពពណ៌ទឹកក្រូចផងដែរ។ អញ្ចឹង ម៉ូតូរបស់គាត់ យើងឃើញនៅខាងមុខ នៅជិតដៃចង្កូតគឺមានកញ្ចក់សម្រាប់មើលក្រោយមួយ។ អញ្ចឹងកញ្ចក់សម្រាប់មើលក្រោយ គឺជាកញ្ចក់សម្រាប់ឲ្យយើងអាចដឹងអំពីស្ថានភាពនៅខាងក្រោយម៉ូតូរបស់យើងបាន ដោយយើងអត់ចាំបាច់ងាកខាងក្រោយទេ។ អញ្ចឹងនៅពេលដែលយើងចង់មើលផ្លូវ ឬក៏មើលអ្វីដែលនៅខាងក្រោយ យើងគ្រាន់តែក្រឡេកមើលកញ្ចក់ គឺយើងអាចមើលឃើញពុំខាន អញ្ចឹងយើងអត់ចាំបាច់ងាកក្រោយទេ ព្រោះថាប្រសិនបើយើងងាកក្រោយ ពេលខ្លះអាចធ្វើឲ្យយើងមានគ្រោះថ្នាក់បាន។ ហើយនៅខាងមុខគឺមានអំពូលភ្លើង ឬក៏ចង្កៀងភ្លើង អញ្ចឹងបុរសម្នាក់នោះគាត់ជិះម៉ូតូកាត់ភ្លៀង ដោយគាត់បើកភ្លើងផងដែរ ព្រោះដើម្បីមើលផ្លូវ ពេលខ្លះគឺពិបាកមើលផ្លូវ ប្រសិនបើយើងអត់បើកភ្លើងនោះទេ ហើយអ្នកដែលនៅខាងមុខ ក៏អត់ដឹងថាយើងកំពុងតែជិះម៉ូតូដែរ អញ្ចឹងគេអត់អាចមើលយើងឃើញ ក៏ប៉ុន្តែប្រសិនបើយើងបើកឃើញ បើយើង បើសិន បើយើងបើកភ្លើង គឺអ្នកនៅខាងមុខគេអាចមើលយើងឃើញផងដែរ ហើយនៅខាងក្រោយគឺយើងឃើញម៉ូតូរបស់គាត់ គឺមានឃ្លុបមួយ អញ្ចឹងឃ្លុបនោះ គឺជាឃ្លុបសម្រាប់ដាក់អីវ៉ាន់ អញ្ចឹងពេលខ្លះគាត់អាចដាក់សៀវភៅ ឬក៏កាតាបរបស់គាត់ ឬក៏អីវ៉ាន់របស់គាត់ផ្សេងៗ ដាក់នៅ[ឃ្លុប] នៅក្រោម នៅក្នុងឃ្លុបខាងក្រោយនោះបាន ដោយមិនចាំបាច់ចងខ្សែ ឬក៏មិនចាំបាច់កាន់នោះទេ ដោយឃ្លុបនោះគឺជាប់ទៅនឹងម៉ូតូ ដូច្នេះប្រសិនបើយើងដាក់អីវ៉ាន់ចូលទៅក្នុងឃ្លុប គឺវាអត់ជ្រុះនោះទេ។ អញ្ចឹងម៉ូតូកំពុងតែបើកកាត់ទឹក ហើយម៉ូតូគាត់ត្រូវជិះយឺតៗ ព្រោះថាគាត់អត់អាចមើលផ្លូវឃើញ ដោយសារតែផ្លូវលិចទឹក អញ្ចឹងប្រសិនបើគាត់ជិះលឿន ប្រសិនបើផ្លូវមានក្រឡុក អញ្ចឹងអាចធ្វើឲ្យគាត់ដួលបាន ប្រសិនបើគាត់ជិះធ្លាក់ក្រឡុក អាចធ្វើឲ្យគាត់មានគ្រោះថ្នាក់ ដោយគាត់ដួលម៉ូតូជាដើម អញ្ចឹងគាត់ត្រូវជិះយឺតៗ និងប្រុងប្រយ័ត្នជាទីបំផុត នៅពេលដែលមានមេឃភ្លៀង។

Going To Bed (Sakanan) — 10

បន្ទាប់មកទៀតរូបភាពទី ១០ រូបភាពទី ១០ យើងឃើញថា បន្ទាប់ពីគាត់ស្លៀកពាក់ខោអាវហើយ អញ្ចឹងគាត់ផ្លាស់ខោអាវរួចរាល់ហើយ ក្មេងប្រុសម្នាក់នោះ គាត់ក៏បានឡើងមកអង្គុយនៅលើគ្រែ អញ្ចឹងគាត់អត់ទាន់គេងភ្លាមទេ គឺគាត់មកអង្គុយដោយផ្អែកខ្នងគាត់ទៅនឹងក្បាលគ្រែ ហើយគាត់ដាក់ខ្នើយដើម្បីផ្អែកទៅនឹងខ្នងរបស់គាត់ បន្ទាប់មកគាត់អង្គុយសណ្ដូកជើង ដោយជើងម្ខាងរបស់គាត់សណ្ដូកនៅលើគ្រែ ជើងម្ខាងទៀត គឺគាត់បញ្ឈរជង្គង់ឡើង។ អញ្ចឹងគាត់កំពុងតែអង្គុយសណ្ដូកជើងនិងបញ្ឈរជង្គង់នៅលើគ្រែ ដោយជើងស្ដាំ យើងឃើញគាត់សណ្ដូកនៅលើគ្រែ ដោយជើងឆ្វេង គាត់ឃើញ យើងឃើញគាត់បញ្ឈរជង្គង់ឡើង ហើយគាត់អង្គុយនៅលើភួយ ដោយដាក់ដៃនៅលើជើងរបស់គាត់ អញ្ចឹងគាត់ដាក់ដៃស្ដាំនៅលើជើងស្ដាំរបស់គាត់ ហើយដៃឆ្វេងគឺគាត់ទម្លាក់នៅលើគ្រែ។ អញ្ចឹងយើងឃើញក្បែរគ្រែរបស់គាត់ គឺមានកូនកៅអីតូចមួយសម្រាប់ដាក់កង្ហារ ដែលកង្ហារកំពុងតែវិលបញ្ចេញខ្យល់ចេញមកក្រៅ អញ្ចឹងក្មេងប្រុសម្នាក់នោះ គាត់អត់ប្រើម៉ាស៊ីនត្រជាក់ទេ គឺគាត់ប្រើកង្ហារ អញ្ចឹងគាត់បើកកង្ហារឲ្យមានខ្យល់ ដើម្បីឲ្យខ្លួនគាត់ត្រជាក់ ដែលយើងឃើញនៅក្បែរកៅអីកង្ហារនោះ គឺយើងឃើញមានកូនតុមួយ ឬក៏កូនទូមួយ ដែលកូនទូនោះយើងឃើញមានចំនួនបីថត អញ្ចឹងកូនទូនេះគឺប្រើសម្រាប់ដាក់ទ្រទូរទស្សន៍ ដោយយើងឃើញនៅលើកូនទូនោះ គឺមានទូរទស្សន៍មួយ ដែលទូរទស្សន៍នោះកំពុងតែបិទ។ អញ្ចឹងគាត់មានទូរទស្សន៍មួយដាក់នៅលើកូនទូ ដែលកូនទូនោះគឺមានចំនួនបីថតដែលយើង ថតទាំងបីនោះ គឺយើងអាចដាក់សម្ភារៈផ្សេងៗ ដូចជាតេឡេទូរទស្សន៍ ឬក៏សៀវភៅ ឬក៏ខោអាវនានាបាន អញ្ចឹងថតទូគឺប្រើប្រាស់សម្រាប់ដាក់សម្ភារៈផ្សេងៗចូលទៅក្នុងទូ ហើយទូរទស្សន៍ គឺជាគ្រឿងអេឡិចត្រូនិច ឬក៏ជាឧបករណ៍អេឡិចត្រូនិច ដែលអាចធ្វើឲ្យយើងមើលជារឿង ឬក៏មើលជាវីដេអូ ឬក៏មើលព័ត៌មានបាន។ អញ្ចឹងយើងមើលវីដេអូ មើលរឿង មើលព័ត៌មាន ដោយប្រើប្រាស់ទូរទស្សន៍។ ដែលយើងឃើញទូរទស្សន៍របស់គាត់ គឺនៅលើកូនទូតូចមួយ ដែលមានចំនួនបីថត។ ហើយនៅលើជញ្ជាំងរបស់គាត់គឺមានបង្អួច ដែលបង្អួចគាត់គេងអត់បិទវាំងនននោះទេ។ អញ្ចឹងបានន័យថាគាត់ចូលចិត្តភ្លឺ គាត់ចង់បានពន្លឺព្រះចន្ទ ដូច្នេះគាត់អត់បិទវាំងននបង្អួចរបស់គាត់នោះទេ ដោយគាត់បើកចំហវាំងននរបស់គាត់។ អញ្ចឹងក្មេងប្រុសម្នាក់នោះ បន្ទាប់ពីគាត់ផ្លាស់សម្លៀកបំពាក់រួចហើយ គាត់អត់ទាន់ចូលគេងភ្លាមទេ គឺគាត់អង្គុយសណ្ដូកជើងនៅលើគ្រែរបស់គាត់ ដោយអង្គុយបញ្ឈរជង្គង់ម្ខាង និងសណ្ដូកជើងម្ខាងនៅលើគ្រែ នៅខាងមុខទូរទស្សន៍។

Fried Rice (Sakanan) — 01

ដែលជាក់ស្ដែងយើងឃើញនៅក្នុងរូបទី ១ នៅក្នុងរូបភាពទី ១ យើងឃើញមាននារីម្នាក់ បាទ គាត់មានអាយុប្រហែលជា ២៣ ឆ្នាំ អញ្ចឹងនារីម្នាក់ហ្នឹង គាត់មានសក់វែង ហើយគាត់ចងសក់គាត់ទៅក្រោយ ដោយទម្លាក់ខាងមុខបន្តិចជារាងគេហៅថាសក់សេះ អញ្ចឹងនារីម្នាក់ហ្នឹង គាត់ពាក់អាវពណ៌ប្រផេះដៃខ្លី ហើយគាត់ដើរនៅតាមផ្លូវ។ អញ្ចឹងនារីម្នាក់ហ្នឹង គាត់ដើរនៅតាមផ្លូវ ហើយគាត់ដើរមកដល់ហាងលក់មីឆា ឬក៏បាយឆាមួយកន្លែង អញ្ចឹងដែលយើងឃើញនៅចិញ្ចើមផ្លូវ យើងឃើញនៅចិញ្ចើមផ្លូវម្ខាង គឺយើងឃើញមានតូបបាយ មីឆា ឬក៏បាយឆាមួយកន្លែង ដែលយើងឃើញតូបនោះ គឺមានស្ត្រីម្នាក់ដែលជាអ្នកលក់ ឈរនៅក្នុងតូប ដែលស្ត្រីម្នាក់នោះ គាត់ពាក់អៀមពណ៌ខៀវ គាត់មានសក់ខ្លី ហើយគាត់ពាក់អាវពណ៌សដៃខ្លី អញ្ចឹងគាត់ពាក់អៀមពណ៌ខៀវ ដើម្បីការពារនៅពេលដែលគាត់ធ្វើបាយឆាឲ្យភ្ញៀវ មិនឲ្យខ្លាញ់ ឬក៏មិនឲ្យបាយឆាខ្ទាតប្រឡាក់អាវគាត់ ឬក៏ប្រឡាក់សំពត់គាត់ អញ្ចឹងដូច្នេះគាត់ពាក់អៀម គាត់ពាក់អៀមពណ៌ខៀវនៅលើខ្លួនរបស់គាត់ដើម្បីការពារខោអាវរបស់គាត់ ដែលស្ត្រីអ្នកលក់ម្នាក់នោះ គាត់កំពុងតែឈរនៅក្នុងតូបបាយឆារបស់គាត់ ដើម្បីធ្វើបាយឆាឲ្យភ្ញៀវ ដែលយើងឃើញនៅក្នុងតូបនោះ យើងឃើញមានចង្ក្រានមួយដ៏ធំ ហើយមានឆ្នាំងខ្ទះយ៉ាងធំនៅលើចង្ក្រាន អញ្ចឹងឆ្នាំងខ្ទះគឺជាឆ្នាំងដែលសម្រាប់ឆា ឬក៏ចៀនសាច់ ឆាបន្លែ និងឆាបាយ ឆាមីជាដើម អញ្ចឹងនៅពេលដែលយើងឆាឬក៏ចៀន យើងធ្វើម្ហូបដោយម្ហូបឆាឬក៏ម្ហូបចៀន យើងត្រូវប្រើប្រាស់ឆ្នាំងខ្ទះ ដែលនៅក្បែរឆ្នាំងខ្ទះ យើងឃើញមានដបគ្រឿងទេសជាច្រើន ដែលគ្រឿងទេស យើងហៅថាគ្រឿងទេសហ្នឹង គឺជាគ្រឿង[សម្រាប់] គ្រឿងគ្រៅសម្រាប់បន្ថែមទៅក្នុងម្ហូប ឬក៏បន្ថែមទៅក្នុងបាយឆាឬក៏មីឆា ដើម្បីឲ្យវាមានរសជាតិ អញ្ចឹងយើង ដើម្បីបន្ថែមឲ្យមានរសជាតិ ទៅតាមចំណង់ចំណូលចិត្តរបស់ភ្ញៀវ យើងត្រូវបន្ថែមគ្រឿង អញ្ចឹងគ្រឿងទាំងអស់ យើងហៅថាគ្រឿងទេស។ អញ្ចឹងមីឆារបស់គាត់ ឬក៏រទេះបាយឆារបស់គាត់ គឺនៅចិញ្ចើមផ្លូវម្ខាង ដោយអ្នកលក់ គាត់លក់នៅតាមចិញ្ចើមផ្លូវ អញ្ចឹងគាត់អត់មានហាងលក់ទេ ក៏ប៉ុន្តែនៅហាង ឬក៏តូបលក់នៅតាមចិញ្ចើមផ្លូវខ្លះ គឺមានរសជាតិឆ្ងាញ់មិនចាញ់មីឆា ឬក៏បាយឆានៅតាមហាងធំៗនោះទេ ដែលយើងឃើញនៅក្បែររទេះ ឬក៏តូបបាយឆារបស់គាត់ យើងឃើញមានតុមួយ ដែលតុនោះ យើងឃើញមានកូនកៅអីតូចមួយនៅក្បែរនោះ ហើយមានគ្រឿងផ្សំជាច្រើនដាក់នៅលើតុ អញ្ចឹងគ្រឿងផ្សំនេះក៏គាត់ដាក់សម្រាប់ឲ្យភ្ញៀវបន្ថែមទៅលើរសជាតិបាយឆារបស់គាត់ ប្រសិនបើភ្ញៀវអត់ទាន់ពេញចិត្តរសជាតិដែលគាត់ធ្វើនោះទេ ភ្ញៀវគាត់អាចបន្ថែមគ្រឿងទៅតាមចំណង់ចំណូលចិត្តរបស់គាត់បាន។ អញ្ចឹងនៅក្នុងរូបភាពទី ១ នេះ គឺនារីម្នាក់ នារីវ័យក្មេងម្នាក់ ដែលមានវ័យ ២៣ ឆ្នាំហ្នឹង គាត់បានដើរមកដល់តូបបាយឆាមួយកន្លែង ដែលនៅក្បែរទីក្រុង ព្រោះយើងឃើញនៅក្រោយតូបបាយឆាគឺជាស្រមោលនៃទីក្រុងមួយ អញ្ចឹងគាត់កំពុងតែដើរនៅតាមផ្លូវ ហើយឃើញ[បាយ]តូបបាយឆាមួយកន្លែង។

Fried Rice (Sakanan) — 08

បន្ទាប់មកទៀតរូបភាពទី ៨ រូបភាពទី ៨ បន្ទាប់ពីគាត់បំពងខ្ទឹមរួចរាល់ហើយ អញ្ចឹងគាត់បំពងខ្ទឹមឡើងឈ្ងុយរួចរាល់ហើយ ដូច្នេះគាត់ក៏បានថែមសាច់ជ្រូកចូលទៅក្នុងនោះផងដែរ អញ្ចឹងដោយសារតែគាត់ហៅបាយឆានោះ គឺជាបាយឆាសាច់ជ្រូកលាយពងទា ដូច្នេះហើយគាត់បានបន្ថែមសាច់ជ្រូកចូលទៅក្នុងខ្ទះ អញ្ចឹងបន្ទាប់ពីគេបំពងខ្ទឹម គេត្រូវការថែមសាច់ជ្រូក ដោយសារតែសាច់ជ្រូក គឺវាពិបាកនៅក្នុងការចម្អិន បានន័យថាវាអត់ងាយឆ្អិន អញ្ចឹងវាអត់ឆាប់ឆ្អិននោះទេ ដូច្នេះដើម្បីឲ្យសាច់ជ្រូកឆ្អិនល្អ យើងត្រូវដាក់សាច់ជ្រូកមុនពេលដែលយើងដាក់បាយចូល ឬក៏មុនពេលដែលយើងដាក់គ្រឿងគ្រៅផ្សេងៗចូល ព្រោះគ្រឿងគ្រៅផ្សេងៗ គឺអាចនឹងឆាប់ឆ្អិនជាងសាច់ជ្រូក ដូច្នេះយើងត្រូវធ្វើឲ្យសាច់ជ្រូកឆ្អិនល្អជាមុនសិន មុននឹងយើងដាក់គ្រឿងផ្សេងៗចូល អញ្ចឹងរូបភាពនេះគឺគាត់កំពុងតែដាក់សាច់ជ្រូកចូល ហើយឆាសាច់ជ្រូកឲ្យឆ្អិន បន្ទាប់មកទៀតគាត់ដាក់បន្លែចូល ដែលបន្លែមានដូចជាការ៉ុត មានដូចជាស្ពៃ មានដូចជាសណ្ដែកកួរជាដើម អញ្ចឹងបន្លែបាយឆាមានដូចជាការ៉ុត មានដូចជាសណ្ដែកកួរ មានដូចជាដំឡូងបារាំងជាដើម ដូច្នេះនៅក្នុងរូបភាពទី ៨ នេះ យើងឃើញគាត់ បន្ទាប់ពីគាត់ដាក់សាច់ជ្រូកហើយ គាត់បានដាក់បន្លែចូលទៀត ដូច្នេះគាត់ត្រូវច្របល់ ដើម្បីឲ្យបន្លែនិងសាច់នោះឆ្អិនឲ្យបានសព្វល្អ ព្រោះប្រសិនបើសាច់និងបន្លែអត់ឆ្អិនទេ វាអាចធ្វើឲ្យប៉ះពាល់ដល់សុខភាពបាន ដោយពេលខ្លះបន្លែអាចមានមេរោគ បន្លែអាចមានមេរោគ ឬក៏សាច់អាចមានមេរោគ អញ្ចឹងប្រសិនបើយើងអត់ចម្អិនឲ្យបានឆ្អិនល្អទេ យើងអាចនឹងឆ្លងជំងឺផ្សេងៗ នៅពេលដែលយើងញ៉ាំបន្លែឆៅ ឬក៏សាច់ជ្រូកឆៅនោះ បន្ទាប់ពីគាត់ដាក់បន្លែហើយ អ្នកលក់គាត់ក៏បានបន្ថែមទឹកត្រីចូលទៅក្នុងខ្ទះឆារបស់គាត់បន្ថែមទៀត អញ្ចឹងដោយសារតែបន្លែនិងសាច់គឺជាសាប មានរសជាតិសាប ដូច្នេះដើម្បីឲ្យវាមានរសជាតិឆ្ងាញ់ យើងត្រូវបន្ថែមគ្រឿង ដូចជាទឹកត្រី ដូចជាប៊ីចេង ដូចជាអំបិលជាដើម ដើម្បីឲ្យមានរសជាតិកាន់តែឆ្ងាញ់ ដូច្នេះនៅពេលដែលគាត់ច្របល់សាច់ ជាមួយនឹងបន្លែឆ្អិនសព្វហើយ អញ្ចឹងគាត់ថែមទឹកត្រីចូល ដើម្បីឲ្យបន្លែនិងសាច់នោះ មានរសជាតិប្រៃបន្តិច មានរសជាតិប្រៃបន្តិច បន្ទាប់មកគាត់ដាក់បាយសចូលទៅក្នុងខ្ទះផងដែរ អញ្ចឹងនៅពេលដែលយើងឆាបាយគឺយើង បន្ទាប់ពីយើងប្រើគ្រឿង ហើយនិងបន្លែ និងសាច់ដាក់ចូលក្នុងខ្ទះរួចរាល់ហើយ ចុងក្រោយបំផុត គឺគាត់ត្រូវដាក់បាយចូលទៅក្នុងខ្ទះនោះផងដែរ ព្រោះប្រសិនបើដាក់បាយមុន វាអាចធ្វើឲ្យខ្លោចបាយ ហើយអត់ឆ្អិនល្អទៀត ដោយសារតែសាច់ជ្រូកគឺអត់ងាយឆ្អិន ហើយបន្លែក៏អត់ងាយឆ្អិនដែរ ដូច្នេះយើងត្រូវប្រើប្រាស់សាច់ជ្រូក ដើម្បីឆាមុន បន្ទាប់មកនៅពេលដែលសាច់ជ្រូកឆ្អិនល្មមហើយ យើងត្រូវដាក់បន្លែឆាចូលទៀត ដើម្បីឲ្យបន្លែឆ្អិនតាមក្រោយ អញ្ចឹងនៅពេលដែលបន្លែនិងសាច់ឆ្អិនអស់ហើយ គឺយើងទើបដាក់បាយតាមក្រោយដើម្បីឲ្យវាឆ្អិន ព្រោះដោយសារតែបាយជាដាំមួយសាហើយ អញ្ចឹងយើងដាំម្ដងរួចហើយ ដូច្នេះវាឆ្អិនរួចហើយ អញ្ចឹងយើងគ្រាន់តែដាក់បាយចូលទៅក្នុងខ្ទះ ដើម្បីច្របល់ជាមួយនឹងគ្រឿង ជាមួយនឹងបន្លែ វាជាការស្រេច ដូច្នេះយើងត្រូវដាក់បាយចុងក្រោយគេ ដែលជាក់ស្ដែងនៅក្នុងរូបភាពទី ៨ គឺនារីអ្នកលក់ ឬក៏អ្នកលក់ម្ចាស់តូបហ្នឹង គាត់ដាក់សាច់ជ្រូកមុនដំបូងចូលទៅក្នុងខ្ទះ បន្ទាប់មកគាត់ដាក់បន្លែ ហើយគាត់បានលាយគ្រឿង ដូចជាចាក់ទឹកត្រី ដាក់បន្ថែមស្ករជាដើម ចូលទៅក្នុងខ្ទះនោះ ដើម្បីលាយឲ្យមានរសជាតិឆ្ងាញ់ បន្ទាប់មកចុងក្រោយគេ គឺគាត់ដាក់បាយចូលទៅក្នុងខ្ទះ ដើម្បីឆាច្របល់ចូលគ្នាឲ្យសព្វ។

Doing The Dishes (Sakanan) — 01

អញ្ចឹងនៅក្នុងរូបភាពនេះគឺយើងនឹងនិយាយអំពីការលាងចានដែលប្រើប្រាស់រួច ដែលជាក់ស្ដែងនៅក្នុងរូបភាពទី ១ នៅក្នុងរូបភាពទី ១ យើងឃើញហាងលក់គុយទាវមួយកន្លែង ដែលហាងនោះគឺជាតូបមួយដែលនៅចិញ្ចើមផ្លូវ អញ្ចឹងនៅក្នុងរូបភាពនេះ យើងឃើញមានស្ត្រីម្នាក់ គាត់កំពុងតែឈរនៅក្នុងតូបគុយទាវរបស់គាត់ ដែលនៅក្នុងនោះយើងឃើញមានឆ្នាំងគុយទាវ មានចានគុយទាវ គឺមានចានគោមជាច្រើន ដែលដាក់នៅខាងស្ដាំដៃស្ត្រីម្នាក់នោះ ហើយមានគ្រឿងផ្សំរសជាតិជាច្រើនដែលនៅក្បែរចានគោមនោះ ដែលនៅចំកណ្ដាលគឺជាឆ្នាំងគុយទាវ អញ្ចឹងស្ត្រីម្នាក់នោះ គាត់កំពុងតែដៃម្ខាងកាន់វែក គាត់កាន់វែកដួសគុយទាវចេញពីទឹកឆ្នាំងស៊ុប ដែលឆ្នាំងស៊ុបនៅខាងក្រោមជាប់នឹងរទេះរបស់គាត់ គាត់កំពុងតែដួសសរសៃមី ឬក៏សរសៃគុយទាវដែលស្រុសរួចចេញពីទឹកស៊ុប ដើម្បីដាក់ចូលទៅក្នុងចាន អញ្ចឹងដៃខាងឆ្វេងរបស់គាត់គឺកំពុងតែកាន់ចានគោមមួយ គាត់កាន់ចានគោមមួយនៅក្នុងដៃខាងឆ្វេង ដើម្បីត្រងយកមីដែលដួសចេញពីទឹកស៊ុបនោះ។ នៅខាងក្រោម នៅលើតុរបស់គាត់ ឬក៏នៅលើរទេះរបស់គាត់ គឺមានចានគោមមួយផ្សេងទៀត អញ្ចឹងបានន័យថាហាងមីរបស់គាត់ប្រហែលជាឆ្ងាញ់ ដែលមានភ្ញៀវចូលញ៉ាំច្រើន អញ្ចឹងគាត់ធ្វើច្រើន គាត់ធ្វើមីច្រើន ឬក៏គាត់ធ្វើមីទឹកស៊ុបច្រើន ដើម្បីបម្រើដល់អតិថិជនរបស់គាត់ ដែលយើងឃើញស្ត្រីម្នាក់នោះគឺគាត់ពាក់អាវពណ៌ខៀវដៃខ្លី ដោយដៃរបស់គាត់ម្ខាងកាន់វែក និងដៃម្ខាងរបស់គាត់កាន់ចានដើម្បីដាក់គុយទាវ ដែលគុយទាវរបស់គាត់គឺជាគុយទាវដែលលក់នៅចិញ្ចើមផ្លូវ។ ហើយនៅក្បែរធុងគុយទាវរបស់គាត់ គឺយើងឃើញមានធុងមួយទៀត ឬក៏យើងហៅថាប៉ោត ឬក៏ធុង ដែលធុងនោះសម្រាប់ដាក់ចានដែលប្រឡាក់ អញ្ចឹងជាទូទៅការលក់គុយទាវគឺគេអត់លាងចានភ្លាមៗទេ គឺលុះត្រាតែគេលក់ចប់ ទើបគេលាងចាន ដោយសារតែភ្ញៀវច្រើននឹងចានច្រើន ដូច្នេះគេលាងអត់ទាន់នោះទេ អញ្ចឹងអ្នកលក់ត្រូវទិញចានមកឲ្យច្រើន ដើម្បីផ្គត់ផ្គង់ភ្ញៀវ ដើម្បីដាក់ឲ្យភ្ញៀវញ៉ាំឲ្យបានគ្រប់គ្រាន់ ចំណែកឯចានដែលប្រឡាក់គេលាងតាមក្រោយ។ ជាក់ស្ដែងនៅក្នុងរូបភាពនេះ យើងឃើញនៅលើរទេះមីរបស់គាត់ ឬក៏នៅលើរទេះដែលលក់គុយទាវរបស់គាត់ យើងឃើញមានចានគោមជាច្រើនកំពុងតែតម្រៀបគរលើគ្នា ចំណែកឯចានប្រឡាក់គឺនៅក្នុងធុងខាងក្រោម គឺក៏មានច្រើនដែរ អញ្ចឹងស្ត្រីម្នាក់នេះ គាត់គឺជាអ្នកលក់គុយទាវដែលឆ្ងាញ់ គុយទាវរបស់គាត់គឺឆ្ងាញ់ អញ្ចឹងមានភ្ញៀវញ៉ាំគុយទាវគាត់ច្រើន ដែលជាក់ស្ដែងយើងឃើញនៅលើតុដែលនៅក្បែរធុងគុយទាវ ឬក៏រទេះគុយទាវស្ត្រីម្នាក់នោះ គឺឃើញមាននារីម្នាក់ ដែលគាត់ពាក់អាវពណ៌ប្រផេះដៃខ្លី គាត់មានសក់វែង ប៉ុន្តែគាត់ទម្លាក់សក់គាត់ចុះ គាត់កំពុងតែអង្គុយញ៉ាំគុយទាវ អញ្ចឹងយើងឃើញដៃរបស់គាត់ម្ខាងកាន់ចានមីឡើង ដៃម្ខាងទៀតកាន់ចង្កឹះចាប់សរសៃមីដើម្បីញ៉ាំ អញ្ចឹងចានមីគាត់កំពុងតែញ៉ាំមី ឬក៏ញ៉ាំគុយទាវស៊ុប ដែលគាត់បានកុម្ម៉ង់ពីស្ត្រីម្នាក់នោះ ដោយយើងឃើញនៅលើតុរបស់គាត់ គឺមានចានគ្រឿងផ្សំរសជាតិជាច្រើន ដែលមានដូចជាម្ទេស មានដូចជាអំបិល មានដូចជាស្ករស មានដូចជាប៊ីចេងជាដើម អញ្ចឹងគេដាក់គ្រឿងផ្សំនៅលើតុ ដើម្បីឲ្យអតិថិជនរបស់គេផ្សំគ្រឿងទៅតាមចិត្តឬទៅតាមរសជាតិដែលគេចូលចិត្ត ដែលនៅក្នុងរូបភាពនេះ គឺស្ត្រីម្នាក់នោះ គាត់កំពុងតែញ៉ាំគុយទាវ ឬក៏មីទឹកស៊ុបដែលគាត់បានកុម្ម៉ង់ អញ្ចឹងយើងឃើញថាទោះបីជាតូបរបស់គាត់លក់នៅតាមចិញ្ចើមផ្លូវ ក៏ប៉ុន្តែគុយទាវរបស់គាត់គឺមានរសជាតិឆ្ងាញ់ ដែលធ្វើឲ្យអតិថិជនជាច្រើនមកទិញនូវគុយទាវរបស់គាត់។