Khmer	Pronunciation	English/Notes	#occ
ចង្កៀង	cɑŋkiəŋ	1. lamp, light 2. to speak in such a way as to inspire people to follow one 3. winnigly, inspiringly 4. hinting repeatedly or persistently	10/3

Link to overview page
Link to dictionary

Tuk Tuk (Sakanan) — 08

ចូលមកដល់រូបភាពទី ៨ នៅក្នុងរូបភាពទី ៨ យើងឃើញថាពួកគេទាំងបីនាក់ បានដើរមករករ៉ឺម៉កកង់បីនោះ ដោយពេលនោះ គេបានចូលទៅកៀកនៅនឹងរ៉ឺម៉កកង់បី ដោយយើងឃើញរ៉ឺម៉កកង់បីនោះ គឺមានពណ៌ផ្កាឈូក ហើយកង់រ៉ឺម៉កគឺមានពណ៌ខ្មៅ រ៉ឺម៉កនោះគឺមានកង់ចំនួនបី ដែលកង់នៅខាងក្រោយចំនួនពីរ ឯកង់នៅខាងមុខចំនួនមួយ ហើយកង់នៅខាងមុខ[គឺ]ជាចង្កូត អញ្ចឹងបានន័យថានៅពេលដែលត្រូវការបត់ គឺយើងកាច់ចង្កូត ដែលចង្កូតបញ្ជាកង់នៅខាងមុខចំនួនមួយនោះផងដែរ។ ដោយរ៉ឺម៉កនេះ គឺមានចង្កៀងចំនួនពីរ សម្រាប់បំភ្លឺផ្លូវ អញ្ចឹងបានន័យថាចង្កៀងរ៉ឺម៉កនេះ គឺមានចំនួនពីរ ដែល ចំនួនពីរ ហើយមានចង្កៀងបំភ្លឺផ្លូវចំនួនមួយ អញ្ចឹងបានន័យថាភ្លើងស៊ីញ៉ូ ឬក៏ចង្កៀងស៊ីញ៉ូចំនួនពីរ ភ្លើងបំភ្លឺផ្លូវចំនួនមួយ អញ្ចឹងនៅពេលដែលគាត់ត្រូវការបត់ឆ្វេងឬក៏បត់ស្ដាំ គាត់អាចប្រើប្រាស់ភ្លើងស៊ីញ៉ូដូចជាម៉ូតូ ដូចជាឡានដែរ អញ្ចឹងរ៉ឺម៉ករបស់គាត់ គឺមានខាងមុខ គឺមានចង្កៀងស៊ីញ៉ូចំនួនពីរ និងចង្កៀងបំភ្លឺផ្លូវចំនួនមួយ ចំណែកខាងក្រោយក៏មានអំពូល និងមានចង្កៀងដូចគ្នា ពួកគេបានដើរមកដល់រ៉ឺម៉កនោះ ហើយក៏បាននិយាយទៅកាន់បុរស ដែលជាម្ចាស់រ៉ឺម៉ក ដែលកំពុងតែជក់បារី យើងឃើញនៅក្នុងរូបភាពនេះ ពួកគេមិនចូលទៅជិតម្ចាស់រ៉ឺម៉កនោះទេ ព្រោះម្ចាស់រ៉ឺម៉កគាត់ជក់បារី ដូច្នេះផ្សែងបារីគឺមានក្លិនមិនល្អ ហើយអ្នកជក់បារីតែងតែមានក្លិនមិនល្អដែរ បានន័យថាគាត់មានធុំក្លិនស្អុយមាត់ ឬក៏គាត់មានធុំក្លិនស្អុយផ្សែងបារី ហើយផ្សែងបារីធ្វើឲ្យយើងមានគ្រោះថ្នាក់ ព្រោះថានៅពេលដែលយើងជក់បារី ផ្សែងបារីធ្វើឲ្យខូចសួតរបស់យើង ឬក៏ឲ្យយើងមានបញ្ហាផ្លូវដង្ហើមជាដើម អញ្ចឹងហើយជាទូទៅប្រជាជន មនុស្ស ភាគច្រើនមិនចូលចិត្តអ្នកជក់បារីនោះទេ។

Rainy Season (Sakanan) — 06

បន្ទាប់មកទៀតរូបភាពទី ៦ នៅក្នុងរូបភាពទី ៦ យើងឃើញម៉ូតូកំពុងតែជិះនៅក្នុងទឹកផងដែរ អញ្ចឹងម៉ូតូមួយគ្រឿងកំពុងតែបើកបរ ឬក៏ជិះនៅក្នុងទឹក ដោយយើងឃើញបុរសម្នាក់ គាត់ពាក់អាវពណ៌បៃតងដៃខ្លី ស្លៀកខោជើងវែងពណ៌ស គាត់កំពុងតែជិះម៉ូតូពណ៌សមួយនៅក្រោមភ្លៀង។ ដោយសារតែគាត់អត់បានត្រៀមខ្លួនមុន ដូច្នេះគាត់អត់មានអាវភ្លៀងនោះទេ អញ្ចឹងគាត់អត់មានអាវភ្លៀងនោះទេ គាត់ជិះម៉ូតូ ដែលនៅក្នុងទឹក ដោយជិះកាត់ក្រោមភ្លៀង ដោយយើងឃើញគាត់ពាក់មួកសុវត្ថិភាពពណ៌ទឹកក្រូចផងដែរ។ អញ្ចឹង ម៉ូតូរបស់គាត់ យើងឃើញនៅខាងមុខ នៅជិតដៃចង្កូតគឺមានកញ្ចក់សម្រាប់មើលក្រោយមួយ។ អញ្ចឹងកញ្ចក់សម្រាប់មើលក្រោយ គឺជាកញ្ចក់សម្រាប់ឲ្យយើងអាចដឹងអំពីស្ថានភាពនៅខាងក្រោយម៉ូតូរបស់យើងបាន ដោយយើងអត់ចាំបាច់ងាកខាងក្រោយទេ។ អញ្ចឹងនៅពេលដែលយើងចង់មើលផ្លូវ ឬក៏មើលអ្វីដែលនៅខាងក្រោយ យើងគ្រាន់តែក្រឡេកមើលកញ្ចក់ គឺយើងអាចមើលឃើញពុំខាន អញ្ចឹងយើងអត់ចាំបាច់ងាកក្រោយទេ ព្រោះថាប្រសិនបើយើងងាកក្រោយ ពេលខ្លះអាចធ្វើឲ្យយើងមានគ្រោះថ្នាក់បាន។ ហើយនៅខាងមុខគឺមានអំពូលភ្លើង ឬក៏ចង្កៀងភ្លើង អញ្ចឹងបុរសម្នាក់នោះគាត់ជិះម៉ូតូកាត់ភ្លៀង ដោយគាត់បើកភ្លើងផងដែរ ព្រោះដើម្បីមើលផ្លូវ ពេលខ្លះគឺពិបាកមើលផ្លូវ ប្រសិនបើយើងអត់បើកភ្លើងនោះទេ ហើយអ្នកដែលនៅខាងមុខ ក៏អត់ដឹងថាយើងកំពុងតែជិះម៉ូតូដែរ អញ្ចឹងគេអត់អាចមើលយើងឃើញ ក៏ប៉ុន្តែប្រសិនបើយើងបើកឃើញ បើយើង បើសិន បើយើងបើកភ្លើង គឺអ្នកនៅខាងមុខគេអាចមើលយើងឃើញផងដែរ ហើយនៅខាងក្រោយគឺយើងឃើញម៉ូតូរបស់គាត់ គឺមានឃ្លុបមួយ អញ្ចឹងឃ្លុបនោះ គឺជាឃ្លុបសម្រាប់ដាក់អីវ៉ាន់ អញ្ចឹងពេលខ្លះគាត់អាចដាក់សៀវភៅ ឬក៏កាតាបរបស់គាត់ ឬក៏អីវ៉ាន់របស់គាត់ផ្សេងៗ ដាក់នៅ[ឃ្លុប] នៅក្រោម នៅក្នុងឃ្លុបខាងក្រោយនោះបាន ដោយមិនចាំបាច់ចងខ្សែ ឬក៏មិនចាំបាច់កាន់នោះទេ ដោយឃ្លុបនោះគឺជាប់ទៅនឹងម៉ូតូ ដូច្នេះប្រសិនបើយើងដាក់អីវ៉ាន់ចូលទៅក្នុងឃ្លុប គឺវាអត់ជ្រុះនោះទេ។ អញ្ចឹងម៉ូតូកំពុងតែបើកកាត់ទឹក ហើយម៉ូតូគាត់ត្រូវជិះយឺតៗ ព្រោះថាគាត់អត់អាចមើលផ្លូវឃើញ ដោយសារតែផ្លូវលិចទឹក អញ្ចឹងប្រសិនបើគាត់ជិះលឿន ប្រសិនបើផ្លូវមានក្រឡុក អញ្ចឹងអាចធ្វើឲ្យគាត់ដួលបាន ប្រសិនបើគាត់ជិះធ្លាក់ក្រឡុក អាចធ្វើឲ្យគាត់មានគ្រោះថ្នាក់ ដោយគាត់ដួលម៉ូតូជាដើម អញ្ចឹងគាត់ត្រូវជិះយឺតៗ និងប្រុងប្រយ័ត្នជាទីបំផុត នៅពេលដែលមានមេឃភ្លៀង។

Motorcycle Taxi (Sakanan) — 07

បន្ទាប់មកទៀតរូបភាពទី ៧ នៅក្នុងរូបភាពទី ៧ យើងឃើញថា បន្ទាប់ពីនារីម្នាក់នោះ គាត់បាននិយាយជាមួយនឹងបុរសដែលជាម្ចាស់ម៉ូតូហើយ ពួកគេទាំងពីរនាក់ក៏បានឡើងលើម៉ូតូ ដើម្បីជិះទៅកាន់គោលដៅរបស់គេ ដោយយើងឃើញបុរសដែលជាម្ចាស់ម៉ូតូ គាត់អង្គុយខាងមុខ ហើយគាត់កំពុងតែកាន់ចង្កូតម៉ូតូ ដោយគាត់ពាក់អាវពណ៌សដៃខ្លី ខោសជើងវែង និងគាត់មានពាក់មួកសុវត្ថិភាពពណ៌លឿងមួយ ដែលយើងឃើញគាត់កំពុងតែបិទកញ្ចក់ អញ្ចឹងមួកសុវត្ថិភាពរបស់គាត់ គឺមានកញ្ចក់ ដូច្នេះនៅពេលដែលគាត់ជិះ គាត់អត់ចង់ឲ្យខ្យល់ ឬក៏ដីហុយចូលភ្នែករបស់គាត់ទេ អញ្ចឹងគាត់អាចបិទកញ្ចក់បាន។ ដោយកញ្ចក់គឺជាកញ្ចក់ថ្លា ដូច្នេះគាត់អាចមើលឃើញឆ្លុះពីក្នុងមួកទៅក្រៅបាន អញ្ចឹងវាអត់មានបាំង ឬក៏អត់មានប៉ះពាល់ទេ អញ្ចឹងគាត់អាចមើលបាន។ ហើយយើងឃើញម៉ូតូរបស់គាត់ គឺមានកញ្ចក់សម្រាប់មើលក្រោយផងដែរ ដែលនៅក្បែរចង្កូតម៉ូតូ។ អញ្ចឹងកញ្ចក់សុវត្ថិភាព យើងហៅថាកញ្ចក់សុវត្ថិភាព គឺជាកញ្ចក់ដែលអាចឲ្យយើងមើលក្រោយបាន អញ្ចឹងយើងអត់ចាំបាច់ងាកទេ នៅពេលដែលយើងចង់វ៉ា ឬក៏ចង់បត់ផ្សេងៗ យើងអត់ចាំបាច់ងាកក្រោយទេ យើងគ្រាន់តែមើលទៅតាមកញ្ចក់ នោះយើងអាចនឹង យើងអាចមើលឃើញអ្វីដែលនៅខាងក្រោយម៉ូតូរបស់យើងបាន។ ហើយនៅខាងមុខម៉ូតូ គឺមានចង្កៀងមួយ អញ្ចឹងជាទូទៅម៉ូតូតែងតែមានចង្កៀងមួយសម្រាប់បំភ្លឺផ្លូវ ដែលយើងអាចជិះបំភ្លឺផ្លូវនៅពេលដែលពេលយប់ ឬក៏ពេលដែលមានភ្លៀងខ្លាំង ឬក៏ពេលដែលមានដីហុយខ្លាំង អញ្ចឹងយើងអាចបើកភ្លើង ដើម្បីបំភ្លឺផ្លូវ ដូច្នេះគ្រប់ម៉ូតូទាំងអស់ គឺតែងតែមានភ្លើង ដើម្បីបំភ្លឺផ្លូវនៅខាងមុខ និងនៅខាងក្រោយ ដើម្បីឲ្យអ្នកដែលជិះពីក្រោយយើងមើលឃើញយើង។ ហើយម៉ូតូជាទូទៅគឺមានកង់ពីរ គឺអត់ដូចឡានទេ ឡានគឺមានកង់បួន ចំណែកម៉ូតូគឺមានកង់តែពីរតែប៉ុណ្ណោះ អញ្ចឹងយើងឃើញបុរសដែលជាម៉ូតូឌុបនោះ ឬក៏ជាអ្នករត់ម៉ូតូឌុប គាត់ជិះខាងមុខ រីឯស្ត្រីដែលមានវ័យប្រហែល ២៥ ឆ្នាំនោះ គាត់ជិះខាងក្រោយ ក៏ប៉ុន្តែគាត់ជិះពាក់ឆៀង ឬក៏ជិះចំហៀង។ អញ្ចឹងយើងឃើញគាត់អង្គុយដោយដាក់ជើងទាំងពីររបស់គាត់មកម្ខាង អញ្ចឹងបានន័យថាគាត់អត់ជិះច្រកគាវទេ ដែលមនុស្សប្រុស គេជិះ ពីក្រោយគឺគេជិះច្រកគាវ ចំណែកមនុស្សស្រី ដោយសារតែគាត់ស្លៀកសំពត់ ដូច្នេះគាត់ជិះច្រកគាវដូចមនុស្សប្រុសអត់កើតទេ អញ្ចឹងគាត់ជិះចំហៀង ដោយគាត់អង្គុយលើកែបម៉ូតូ ក៏ប៉ុន្តែជើងគាត់ទាំងពីរដាក់មកម្ខាង។ ដោយយើងឃើញជាក់ស្ដែងនៅក្នុងរូបភាពទី ៧ នេះ គឺនារីម្នាក់នោះគាត់អង្គុយ ហើយដាក់កាបូបរបស់គាត់ គាត់អត់ស្ពាយទៀតទេ គឺគាត់ដាក់កាបូបធំរបស់គាត់ នៅលើភ្លៅរបស់គាត់ ដោយដៃទាំងពីររបស់គាត់កំពុងតែកាន់កាបូបគាត់យ៉ាងជាប់ ដោយខ្លាចជ្រុះ ឬក៏ដោយខ្លាចធ្លាក់ ហើយភ្នែករបស់គាត់គឺសម្លឹងទៅខាងមុខ អញ្ចឹងគាត់សម្លឹងទៅកាន់គោលដៅរបស់គាត់ ដើម្បីប្រាប់ផ្លូវទៅដល់ម្ចាស់ម៉ូតូថា តើត្រូវជិះតាមផ្លូវណាខ្លះ។