Khmer	Pronunciation	English/Notes	#occ
វប្បធម៌	voappaʔ tʰoa	1. culture 2. cultural	6/6

Link to overview page
Link to dictionary

Expressing love — Cultural note

ក៏ដូចជាវប្បធម៌ផ្សេងដែរ ជនជាតិខ្មែរតែងតែរៀបរាប់អំពីក្តីស្រឡាញ់តាមរយៈបទចម្រៀង។ លោក ស៊ិន ស៊ីសាមុត គឺជាអ្នកចម្រៀងខ្មែរកាលសម័យដើមដ៏ឆ្នើមម្នាក់ ដែលបទចម្រៀងរបស់គាត់ពីរោះអណ្ដែតអណ្ដូង និងមានអត្ថន័យបង្ហាញទឹកចិត្តស្នេហាជ្រាលជ្រៅ។

Making suggestions in which the speaker is included — Cultural note

នៅពេលកំពុងដើរឬធ្វើការងារអ្វីមួយជាមួយមិត្តភក្តិ ហើយអ្នកចង់ទិញអ្វីមួយញ៉ាំ អ្នកក៏ត្រូវបបួលឬទិញចំណែកសម្រាប់មិត្តភក្តិរបស់អ្នកផងដែរ ទើបជាការគួរសម។ នេះប្រហែលជារឿងធម្មតាសម្រាប់វប្បធម៌នៅប្រទេសផ្សេងទៀតផងដែរ មិនមែនតែនៅខ្មែរនោះទេ។

Expressing likes 1 — Cultural note

មនុស្សជាច្រើនដឹងថាម្ហូបរបស់ជនជាតិថៃភាគច្រើនមានរសជាតិហឹរ។ ប្រទេសថៃនិងប្រទេសកម្ពុជាមានវប្បធម៌ស្រដៀងគ្នាមួយចំនួន ប៉ុន្តែ ម្ហូបរបស់ជនជាតិខ្មែរមិនមានរសជាតិហឹរដូចប្រទេសថៃទេ។ ម្ហូបខ្មែរមានរសជាតិរៀងផ្អែម ហើយខ្មែរមានបង្អែមជាច្រើនមុខនិងប្លែកៗពីគ្នា។

Indicating disagreement — Cultural note

ដូចនៅក្នុងវប្បធម៌ផ្សេងៗដែរ នៅខ្មែរ ការនិយាយបដិសេធចំពោះគំនិតរបស់នរណាម្នាក់ចំៗតែម្ដង គឺមិនសូវជាការគួរសមនោះទេ។ ពាក្យថា “ចេះភាសាការទូត” មានន័យថា ដឹងអំពីរបៀបនិយាយបដិសេធ ឬរិះគន់ឬបញ្ចុះបញ្ចូលគេដោយមិនធ្វើឲ្យគេអាក់អន់ស្រពន់ចិត្តឬចាប់កំហុសបាន។

Offering help — Cultural note

ដូចវប្បធម៌ផ្សេងដែរ ការជួយអ្នកដទៃពេលឃើញគេកំពុងលំបាកក៏ជាទម្លាប់របស់ខ្មែរដែរ ប៉ុន្តែ ទម្លាប់មួយទៀតនោះគឺ សុំឲ្យគេជួយដោយត្រង់ៗតែម្ដង ជាពិសេសពីមនុស្សអាយុច្រើនទៅកាន់មនុស្សក្មេងៗ។ ប៉ុន្តែ ចំពោះស្ថានភាពដែលត្រូវទទួលរាក់ទាក់ ដូចជាភ្ញៀវមកលេងផ្ទះ គឺគេមិនទម្លាប់ប្រើឲ្យភ្ញៀវធ្វើនេះធ្វើនោះទេ។

Grilled Fish (Sakanan) — 13

បន្ទាប់មកទៀតរូបភាពទី ១៣ រូបភាពទី ១៣ បន្ទាប់ពីពួកគេរៀបចំចានម្ហូប និងចានទឹកជ្រលក់រួចរាល់ហើយ ពួកគេក៏បានអង្គុយទល់មុខគ្នា អញ្ចឹងយើងឃើញពួកគេកំពុងតែអង្គុយទល់មុខគ្នា ដោយស្ត្រីដែលជាមិត្តស្រីនោះ គាត់អង្គុយលុតជង្គង់ ឬក៏អង្គុយបត់ជើង ដោយដៃទាំងពីរគឺដាក់នៅលើភ្លៅ ចំណែកឯបុរសដែលមានវ័យ ២៣ ឆ្នាំនោះ គាត់អង្គុយពែនភ្នែន អញ្ចឹងជាធម្មតា មនុស្សស្រីគឺគាត់តែងតែអង្គុយលុតជង្គង់ឬក៏អង្គុយបត់ជើង ចំណែកឯមនុស្សប្រុស គាត់ចូលចិត្តអង្គុយពែនភ្នែន ហើយនៅចំខាងមុខរបស់ពួកគេ ឬក៏នៅកណ្ដាលពួកគេ គឺមានត្រីចំនួនមួយ ដែលកំពុងតែហុយ និងមានក្លិនឈ្ងុយ ហើយមានចានបន្លែពីរចានផងដែរដែលនៅក្បែរនោះ អញ្ចឹងពួកគេក៏ញ៉ាំត្រីជាមួយនឹងបន្លែ ផ្ទាប់ជាមួយនឹងបន្លែ ដោយយើងឃើញគាត់ទាំងពីរនាក់ គឺអង្គុយនៅលើកម្រាល ហើយមានកញ្ចប់ម្ហូបនៅក្បែរខ្លួនរបស់ពួកគេផងដែរ។ អញ្ចឹងជាទូទៅ គឺនៅកម្ពុជា គឺយើងភាគច្រើនគឺយើងញ៉ាំបាយដោយប្រើប្រាស់កន្ទេល គឺយើងអត់ប្រើប្រាស់តុទេ អញ្ចឹងពេលខ្លះ អ្នកខ្លះ ក្រុមគ្រួសារខ្លះ គាត់ញ៉ាំបាយនៅលើតុ បានន័យថាគាត់រៀបចំតុ ហើយគាត់ដាក់បាយនៅលើតុ រួចក៏អង្គុយលើកៅអីដើម្បីញ៉ាំ ប៉ុន្តែភាគច្រើន ភាគច្រើននៅកម្ពុជា គឺយើងអត់ប្រើប្រាស់តុទេ បានន័យថាយើងអត់ប្រើប្រាស់តុទេ គឺយើងក្រាលកន្ទេល ឬក៏ការក្រាលកម្រាល អញ្ចឹងយើងក្រាលកន្ទេលនៅលើឥដ្ឋ ឬក៏នៅលើរនាបផ្ទះរបស់យើង បន្ទាប់មកយើងញ៉ាំបាយនៅលើកន្ទេល អញ្ចឹងវាជាវប្បធម៌មួយរបស់កម្ពុជា គឺយើងញ៉ាំបាយនៅលើកន្ទេល។